chaand chup tha magar ..

Khwaab tootne ki aawaaz nahi hui magar
aankhon se geela kaanch behta raha ..

Aasmaan mein dekha to chaand chup tha magar
jheel se apni daastaan kehta raha ..

Khawaaishon ke makaan ki diwaarein pakki thi magar 
lehron mein raet ke mahal sa dehta raha ..

Sehma sehma hai ye lamhon ka darpan
koi ajnabi ab tak mujh mein rehta raha ..

Sadiyon se isi baarish mein sookh rahi hoon main
meri aankhon ka saawan samandar se gehra raha ..