Ye kya zidd hai ki..

Ye kya zidd hai ki saans jism nahi chhodhti..
Ek aadat hai jo jaan jaane par jaayegi..

Dil toot bhi jaaye to dhadakta rehta hai ..
Dhadhkanein tere jaane ke baad jaayegeen..

Palkein khuli rahegeen intezaar mein..
Aankhein tujhe dekhe bina kaise jaayengeen..

Zehan mein tujhe band karke rakh liyaa hai..
Yaadein bewafa, kabhi yunhi fisal jaayengeen..

Mere zevar jo they wo sab saath le aayi huun..
Laal choodiyaan magar tere saath hi jaayengeen..

Neeli chaadar koun kheench ke le gaya..
Zameen kahaan kahaan dhoondne jaayegi..

Mere janaaze ko naa chhunaa apne haathon se kabhi..
Tere lams se meri khwaaishein jaag jayengeen..