June 19, 2012

Naam tera hatheli par ..



Naam teraa hatheli par, likhte hain mitaate hain ..
Dil poochhta kyaa hai aur hum kyaa bataate hain ..

Har zikr par tumhaare, sau sau baar sharmaate hain ..
Dil bolta jaata hai aur hum ise chup karvaate hain ..

Aarzoo ho tum, aur tum se hi chaahtein hain ..
Hothon par mere, tumhaare naam ki aayatein hain ..

Tum par saansein vaar kar zindagi ko aazmaate hain ..
Tumse tumko churaa lene ki justjoo mein jeeye jaate hain ..

Kuch roshan lamhe teri qurb ke mil jaate hain..
Baaki tere intezaar mein jugnu jugnu guzar jaate hain ..

2 comments:

Sarah said...

Khoobsurat..

Aadii said...

"Baaki tere intezaar mein jugnu jugnu guzar jaate hain .."

:)