July 26, 2013

Dekho Naa.



Gehra rahi hai raat dekho naa..
Raat ke jhoolne pe nanha chaand.. dekho naa..

Waqt leta hai chhat pe bistar lagaa kar..
Hogi aaj khaas lamhon se mulaakaat .. dekho naa..

Muunh mein mishri ki rakh ke goliyaan..
Pariyon ki baatein karte hai gulaab.. dekho naa..

Jaate jaate raat ke jugnuon ki sharaarat..
Tanhaayi ko kar gaye sharaab.. dekho naa..

Samete hai khud mein kahaaniyaan kayi..
Baadalon ke jhurmut, zindagi ki kitaab .. dekho naa..

Taaron ki chhaon mein yaadon ki mehfil..
Khwaabon ke kaafilay kar gaye betaab.. dekho naa..

1 comment:

Vidisha said...

very very nice..! beautiful poem!