Roz kuchh na kuchh hota hai..

Roz kuchh na kuchh hota hai..
Kuchh naa bhi ho to bhi kuchh hota hai..

Jhooth kehte hain sab duniyaawaale..
Ishq hota hai, sachmuch hota hai..

Tu dekh tere saamne budbudaate rehne waala..
Tere jaane ke baad kaise chup hota hai..

Bekaar na dijiye is dil ko dilaasa..
Kaun kahaan kisi ka sab kuchh hota hai..

Mohabbat ka vaasta de kar unhe roka toh hai magar..
Mere kehne se kahaan kabhi kuchh hota hai..