December 23, 2012

Ab bas ek deewaar baaki hai..



Ek ghar hua karta tha yahaan.. 

Ab bas ek deewaar baaki hai..

Darwaaza pe nahi koi dastak magar.. 
Abhi sadiyon ka intezaar baaki hai..

Chuulhe pe ab sikti nahi chaand ki rotiyaan.. 
Ab wahaan raakh ke kuch nishaan baaki hain..

Wo tulsi jo sirf maa ke haathon hi paani piya karti thi.. 
Uske patton pe ab bhi pyaas baaki hai..

Wo ek kambal jisme chheh angoothe aapas mein ladaa karte they.. 
Usme bachpan ki yaadon ka saamaan baaki hai..

Chaarpaayi ki rassi kaste kaste chaarpaayi pe hi dher ho gaye..

Us boodhe baap ko bolo, abhi manjhli di ka kanyadaan baaki hai..

Painting by : Vinayak Gokhale

2 comments:

Unknown said...

Beautiful.

Reminded me of one poem from Gulzar he recited at JLF :)

Thank you for sharing

Mohit Sureka said...

beautifully written. made me smile. :)