December 15, 2012

Haan, maine galtiyaan ki hain..



Haan, maine galtiyaan ki hain.. 

Maine zindagi zaraa khul ke jii hai..

Jeb mein paise nahi they aur khwaab bhar liye.. 
Sitaaron se aage ki bhi ticket khareedi hai..


Bin daakiya kismat ko ek khat bhejaa hai.. 
Postage ki jagah bas prayers chipkaa di hain..


Baadalon se dosti karne ka mood hua to .. 
Baarishein saari aankhon mein bhar leen hai..


Aasmaan mein udne ko pankh kahaan se laati.. 
Neeli nadi uuk banaa ke pii li hai..


Raat ne uksaaya chaand ki dali todne liye .. 
Ek chakh mishri maine bhi khaa ke dekhi hai..

No comments: